LUHUNG TUAH DIMATA

Kendel saja kendeeel...... kewala masiih sebet...
Sebet tuara mapuara luhuung...
luhung tuah dimata...
dimata saja tuah pedasan akijapan...
akijapan ane luhuung...
luhuung tuara makelo makelo ento tuah ane sing luhuung...
luhuung ia nyatuyang ngaguang dewekne ririh...
ririh tanpa tandingan
tandingan sampian tusing makelo
makelo tusing ia dadi luhu....

SASTRA UTAMA

Makebeeer ikanang sastra ring sapta petala,,,
ngruduug langiit... kegejeraang....
Duuuuuh hyang Widhi....sastra utama,,,, ika..
Gruduuk kilap mabyayuhan....
Sledetan tatit ngubar kaja kangin..
Bayu runtag akihan sengal-sengal...
Duuh Dewa ratu....
Saja-saja sastrane mautama
Lku-laku ikanang sastra pakredep nyinahang angga...
Jerih kayun jadmane duaning sastra urip Pasuecan HYANG Widhi...
Asing laku jatma corah ulung mreped...
Penelasnya padem....

TUSING KAROAN

keneh sing karoan,,,,
uyang keneh tanpa brana...
uayang kenehe tanpa treeesna.....
treesna ulung macepool ngae sebet...
sebet keneh jani keencebang ..
keencebang baaaaan yeeeeeeh putih lan roko akatih..
akatih to tuah pahan wilangan
wilangan ne jati tuah abesik
abesik bisa dadi liu
liune masih bisa dadi abedik....
abedik ngomong bisa beneh
benehe ja tonden karoan
karoan deweke tonden pantes
pantes katingalin ken anak lenan
lenan ken unduk brana bisa masi uyang..
uyang ken rupa ayu lan ganteng...

TRESNA SUJATI

Diaastun tanpa gatra tapa suwala patra
bli tetep pageh,,,
pageh ken deweek
dewek bli tuah adine ngelahang...
ngelahang rasa ne tan mapuara...
mapuara kadi ilegu....
legu mati nyedot getih...
getih hilang dewek genit,,,,
Genit manahe pacah mewali ketemu....
ketemu melarapan rasa
rasa sayang tan sida kauncarang,,,

PIKENOH DEWEK

Sedaging unggahan nika kocap luhuung,
luhuung ngunggahang isin keneeh
keneh ne jati mula....
mula jati pekenoh dewek,,,
dewek uyang....
uyang ken tresna,,,
uyang ken brana
tresna brana sehasa mabesikan,,,
mabesikan masih tutur ne ulung
ulung marupa pakeling
pakeling ngenahang dewek paling,,,
paling beneh,,,, paling jati,,,
jatining rasa tuara mapuara

CALONARANG

Caahya.... sinar re.... remrem...
Akeh sisyane nyiagaaang dewek...
Lelampaan sakral pinaka taksu...
Orti tan dados orti...
Nampeniin pakebeeeh jagat...
Angimpasang sahananing mrana...
Rua bineda kapangguh...
Amed keteguhan dewek....
Nunas ica pinaka utama....
Greget manah  mangayah...

PUPUK MANGDA TAN LAPUK

Pecihnan,,,,,, aab jagate nyancan ngawayahang,,,,
Usahayang maparidadab
Pengelimbak seni sastra mangda tan kategul,,,,,
Urati jalaran mangguh kwerdian seni sasatra budayane,,,,.
Kelascaryan manah pamilette sane mabuat...

Meridadab sekancan tetmian budaya...
Angge maka dasar cihna tresna........
Ngawangun Budaya mautama....
Greget maka dasar paridadab..
Daging pikenoh mautama punika,,, wantah seni sastra drune....

Trepti ngengargiang suadarma.....
Angamel budi lan pakerti......
Nagingin dewek antuk kaweruhan sastra...

Lepas tan rungu punika kaon....
Angen tan sida langgeng......
Punah seni budaya yan tan kaupapira...
Uyang tanpa kayun nika uratiang....
Kaon yan tan sida maparidadab...